"Multi Solutions" MMC ödəniş təşkilatının nizamnamə kapitalı azaldıldı.
Yurd.Media-nın əldə etdiyi məlumata görə, şirkət nizamnamə kapitalını 1 milyon 220 min manatdan 38,5% və ya 470 min manat azaldaraq 750 min manata çatdırıb.
Xatırladaq ki, "Multi Solutions"ın nizamnamə kapitalı bu ilin əvvəlində 250 min manat artırılaraq 1 milyon manatı ötmüşdü.
Qeyd edək ki, "Multi Solutions" MMC-yə 2024-cü ildə Azərbaycan Mərkəzi Bankı tərəfindən lisenziya verilib. Şirkət ödəniş xidmətləri sahəsində - ödəniş əməliyyatlarının ekvayrinqi, ödəniş əməliyyatlarının aparılması üçün vasitəçilik xidməti və hesab üzrə məlumat xidmətləri göstərir. "Multi Solutions" MMC rəhbəri Emil Abbasovdur.
