Naxçıvanda bank əmanətləri 5 dəfə sürətlə artıb

Bu il avqustun 1-nə Naxçıvan Muxtar Respublikasında 32,8 milyon manat bank əmanəti olub.

Dövlət Statistika Komitəsindən Yurd.Media-ya bildirilib ki, bu, ötən il avqustun 1-i ilə müqayisədə 54,4% çoxdur.

İyulun sonuna ölkədə isə bank əmanətləri 15 113,9 milyon manat təşkil edib. Bu 1 il əvvələ nisbətən 10,6% çoxdur.

Beləliklə, Naxçıvanda bank əmanətlərinin artımı ölkə üzrə orta göstəricini 5,1 dəfə üstələyib.