Kredit ittifaqlarının aktivləri 12 milyon manatdan aşağı düşüb

Bu il iyulun 1-nə Azərbaycandakı kredit ittifaqları ötən il iyulun 1-nə nisbətən 6,3% az – 11,9 milyon manatlıq aktivlərə malik olub.

Yurd.Media xəbər verir ki, bu barədə Azərbaycan Mərkəzi Bankının açıqladığı kredit ittifaqı icmalında bildirilir.

Sənədə əsasən, hesabat tarixinə maliyyə qurumlarının kredit portfeli isə illik müqayisədə 7,3% az – 10,1 milyon manat təşkil edib.

Kredit ittifaqlarının öhdəlikləri 2,5 milyon manat (3,85% az), balans kapitalı isə 9,4 milyon manat (6,9% az) olub.