Azərbaycan Əmanətlərin Sığortalanması Fondunun (ADIF) Himayəçilik Şurası yerli banklarda manatla yerləşdirilən əmanətlərin qorunması üçün illik faiz dərəcəsini növbəti dəfə 12% saxlayıb.
Bu barədə Yurd.Media-ya Fondan bildirilib.
Bununla belə, Şura sığortalanma faizinin müəyyən edilməsi ilə bağlı yeni metodologiya tətbiq edib. Ona əsasən, bank əmanətlərinin qorunması üçün illik faiz bazardakı orta faizin üzərinə 2 faiz bəndi əlavə edilməklə, ildə iki dəfə müəyyən olunacaq.
Hazırda banklar əmanətləri illik orta hesabla 10%-lə qəbul edir.
Sığortalanma faizinə növbəti dəfə iyulda baxılacaq.
