"Finex Kredit" ASC bank olmayan kredit təşkilatı (BOKT) 2025-ci ilin yekunları ilə bağlı maliyyə göstəricilərini açıqlayıb.
Yurd.Media xəbər verir ki, kredit təşkilatı ötən il 1,4 milyon manat zərər edib (əvvəlki ili 1,3 milyon manat mənfəətlə başa vurmuşdu).
Bu ilin əvvəlinə "Finex Kredit"in aktivləri ötən ilin əvvəlinə nisbətən 2 dəfə az - 1,9 milyon manat, o cümlədən kredit portfeli 43,2% az – 1,55 milyon manat təşkil edib.
BOKT-un öhdəlikləri 0,9 milyon manat (3,1 dəfə az), balans kapitalı isə 1 milyon manat (11,8% az), o cümlədən nizamnamə kapitalı isə 2,9 milyon (74,2% çox) olub.
