"Finca Azerbaijan" Məhdud Məsuliyyətli Qeyri-Bank Kredit Təşkilatının dövlət büdcəsinə vergi borcu yaranıb.
Yurd.Media xəbər verir ki, "Finca Azerbaijan"ın hazırkı vergi borcu 6 min manat təşkil edir.
“Finca Azərbaycan" 1998-ci ildə yaradılıb. Mikromaliyyə təşkilatının nizamnamə kapitalının 100%-i Niderlandda qeydiyyatdan keçmiş “Finca Microfinance Cooperatief U.A” şirkətinə məxsusdur.
Qeyd edək ki, şirkət son dövrdə problemli kreditlərlə bağlı tez-tez məhkəmələrə müraciət etməli olur. Belə ki, BOKT 27 və daha artıq faizlə verdiyi kreditlərə görə müştərilərinə qarşı Şəmkir, Sabirabad Rayon Məhkəməsində, Ağdam Rayon Məhkəməsində və Xaçmaz Rayon Məhkəməsində iddia qaldırmışdı.
