“Bank Respublika”nın payçısı "Ekolizinq"i aldı

"Ekolizinq" MMC-nin təsis paylarının 99%-i satılıb.

Yurd.Media xəbər verir ki, bu barədə şirkətin yarım illik idarəetmə hesabatında bildirilib.

Azərbaycan Mərkəzi Bankının Məlumatların Elektron Açıqlanması Sistemində yerləşdirilmiş sənədə əsasən, yeni təsisçi Elçin Quliyevdir. O, bu payı Elnur Rəsulovdan alıb.

Hazırda ikinci təsis paylarının 1%-nə nəzarət edir. E.Quliyev həm də “Bank Respublika” ASC-də 18,5% pay sahibidir.