"Bank BTB” ASC-nin təşkilati-hüquqi formasını və adını dəyişdirərək çevrildiyi "T-Kredit” MMC Bank Olmayan Kredit Təşkilatına (BOKT) yeni rəhbər təyinatı baş tutub.
Yurd.Media-nın əldə etdiyi məlumata görə, "Bank BTB” ASC-nin İdarə Heyəti Sədrinin müavini, İdarə Heyətinin üzvü olmuş Zaur Yusifov "T-Kredit” BOKT-a rəhbər təyin edilib.
O bu vəzifədə daha əvvəl "Bank BTB”-in Maliyyə departamentinin direktoru işləmiş, çevrilmədən sonra isə BOKT-a rəhbərlik etmiş Vüqar Rəfiyevi əvəzləyib.
Xatırladaq ki, "Bank BTB” bu ilin iyun ayında öz təşkilati-hüquqi formasını və adını dəyişdirərək "T-Kredit” BOKT-yə çevrildiyini elan edib. Azərbaycan Mərkəzi Bankının (AMB) qərarı ilə “T-Kredit” Bank Olmayan Kredit Təşkilatı (BOKT) MMC-nin də lisenziyası ləğv edilib.
Bankın aktivləri və öhdəlikləri Azərbaycan Beynəlxalq Bankına ötürülüb.
Qeyd ki, "Bank BTB” 2010-cu ildə təsis edilib. Onun nizamnamə kapitalı 71,45 milyon manat olub. Bankın səhmlərinin 76,74 %-i Nigar Mehdiyevaya, 17,68 %-i Müşahidə Şurasının sədri Rza Sadiqə, 5,58 %-i isə Tükəzban Mahmudovaya aid olub.
Bank BOKT-yə çevrildikdən sonra onun nizamnamə kapitalı hazırda 1 milyon manat təşkil edir.
