“Bank Respublika” ASC iyunun 24-də, saat 10:00-da səhmdarlarının növbəti ümumi yığıncağını çağırıb.
Yurd.Media xəbər verir ki, Bank bununla bağlı rəsmi mətbuatda elan verib.
Elanda deyilir ki, yığıncaq kredit təşkilatının baş ofisində - Bakı şəhəri, Xəqani küçəsi, 21 ünvanında olacaq.
Səhmdarlar "Bank Respublika"nın inkişaf strategiyasına və bununla əlaqədar kapitalının strukturuna, eləcə də Bankın törəmə şirkətləri olan "Bakı Sığorta" ASC və "Respublika İnvest" MMC-nin fəaliyyətinə dair qərar qəbul edəcək, kredit təşkilatının imtiyazlı səhmlərinin buraxılması yolu ilə nizamnamə kapitalının artırılmasını, bununla əlaqədar qurumun nizamnaməsində müvafiq dəyişikliyi və Mükafatlandırma Siyasətini təsdiqləyəcək.
