Azərbaycanda maliyyəçilərin orta maaşı 2%-dən çox artıb

Bu ilin I yarısında Azərbaycanın maliyyə sektorunda orta aylıq əmək haqqı 3 123 manat təşkil edib.

Bu barədə Yurd.Media-ya Dövlət Statistika Komitəsindən bildirilib.

Məlumata görə, bu, ötən ilin eyni dövrü ilə müqayisədə 2,3% çoxdur.

Yanvar-iyun aylarında maliyyəçilər dövlət sektorunda orta hesabla 4 595 manat, özəl sektorda isə 2 796 manat maaş alıblar.

Bunlar isə 1 il əvvələ nisbətən müvafiq olaraq 17,1% çox və 2,3% azdır.