Bu ilin I rübündə "Cənub Qaz Dəhlizi" QSC buraxdığı 2 milyard ABŞ dolları dəyərində istiqrazları geri alıb.
Bu barədə Yurd.Media-ya Maliyyə Nazirliyindən bildirilib.
Son nəticədə Azərbaycanın dövlət zəmanəti verdiyi borc 6,1 milyard dollardan 4 milyard dollara düşüb.
Bu, birbaşa dövlətin deyil, dövlət müəssisələrinin borcudur. Amma sabah onlar həmin borcu qaytara bilməsə, dövlət qaytarmalı olacaq.
Aprelin 1-nə dövlətin birbaşa xarici borcu isə 4,7 milyard dollar təşkil edib. Dövlət ölkə daxilində isə istiqraz buraxmaqla 16,5 milyard manat borclanıb.
