Bakıda Yeni Günəşli qəsəbəsi, Abbas Fətullayev küçəsi, 64C ünvanında görmə quraşdırılan işıqfor 20 gündən çoxdur ki, işləmir.
Yurd.Media xəbər verir ki, sakinlər işıqforun sanki maket kimi burada quraşdırılmasından narazılıqlarını bildiriblər:
"İşıqfor buraya 20 gündür qoyulub, lakin işləmir. Məhz bu səbəbdən də ərazidə tez-tez avto-qəzalar baş verir".
Məsələ ilə bağlı Nəqliyyatı İntellektual İdarəetmə Mərkəzindən "ATV Xəbər"ə bildirilib ki, həmin ünvanda işıqfor yeni quraşdırılıb, lakin istifadəyə verilməyib. Buna səbəb isə texniki işlərin davam etməsidir.
