Sədərəkdə abadlıq işləri aparılacaq.
Bununla bağlı "Yurd.Media"ya Sədərək rayon İcra Hakimiyyətindən məlumat verilib.
Heydərabad qəsəbəsində "Mədəniyyət və istirahət parkı"nda abadlıq, təmir-bərpa işləri üzrə hazırlıqlara başlanılıb.
Layihənin hazırlanmasına 170 min 500 manat vəsaitin sərf olunacağı proqnozlaşdırılıb.
Bildirilib ki, parkın təmir və bərpası, eləcə də abadlıq işləri ilə bağlı hazırda layihələndirmə aparılır.
3 hektar ərazini əhatə edən parkın kenseptual dizaynı, piyada yolları, velosiped zolaqları, avtomobil dayanacaqları hazırlanacaq.
Xatırladaq ki, sözügedən park 2008-ci ildə istifadəyə verilib.
