Şamaxının Çağan kəndini rayon mərkəzilə birləşdirən yolda yağıntılardan sonra çökmə yaranıb.
Yurd.Media xəbər verir ki, torpaq sürüşməsi yolun təqribən 30 metrlik hissəsində baş verib. Nəticədə ərazi 1 metr dərinliyində dağıntıya məruz qalıb.
"Xəzər TV"yə şikayət edən sakinlər şagirdlərin məktəbə, xəstələrin xəstəxanaya gedə bilmədiklərini qeyd ediblər.
Şamaxı Rayon İcra Hakimiyyətindən isə bildirilib ki, son günlər rayon ərazisinə yağan intensiv yağışlar nəticəsində Çağan kəndinə gedən yolun müəyyən hissəsində sel sularının səbəb olduğu sürüşmə faktı qeydə alınıb. Yaxın günlərdə həmin yoldatəmir işlərinə başlanılacaq.
