Qaradağda körpü uçub, alternativ yolu sel yuyub aparıb. Qaradağ rayonu Umbakı qəsəbəsində yerləşən yollar yararsız vəziyyətdədir.
Yurd.Media "Xəzər TV"-yə istinadən qeyd edir ki, 2000 min-ə yaxın əhalisi olan qəsəbənin şəhərlə əlaqəsi kəsilib. Sakinlər bildirirlər ki, müəllimlər şəhərdən gəldiyinə görə məktəblilər təhsil ala bilmir. Çörək Sahil qəsəbəsindən gəldiyi, çoxumuz da şəhərdə işlədiyimiz üçün problemlər yaranır.
AAYDA-nın mətbuat xidmətinin rəhbəri Anar Nəcəfli bildirdi ki, alternativ yolun bərpası ilə əlaqədar olaraq əraziyə maşın-mexanizm texnikalar və canlı qüvvə cəlb olunub. Artıq müəyyən işlərə start verilib:
"Qeyd edim ki, 24 saat ərzində alternativ yolun bərpası tərəfimizdən təmin olunacaq. Körpünün əsaslı şəkildə yenidən qurulmasına gəldikdə isə, bildirildi ki, bununla bağlı yaxın vaxtlarda qərar verilməsi gözlənilir".
