İsmayıllının Qalacıq kəndində asfaltlanma işləri aparılıb.
Yurd.Media xəbər verir ki, görülən işlər kənd sakinlərinin sevincinə səbəb olmaqla yanaşı, kəndə gələn qonaqların rahat və təhlükəsiz hərəkətini təmin edəcək.
İsmayıllı Rayon İcra Hakimiyyətindən bildirilib ki, yolun yenilənməsi Qalacıq kəndinin turizm potensialına da mühüm töhfə verir. Bölgəyə səfər edən turistlərin gediş-gəlişi asanlaşır, kəndin təbii gözəlliklərinə və istirahət imkanlarına çıxış daha da komfortlu olur.
Məlumata görə, rayonun digər kəndlərində də yol infrastrukturunun yenidən qurulması işləri aparılır, təmirə ehtiyacı olan küçə və məhəllədaxili yollarda asfaltlanma işləri mərhələli şəkildə davam etdirilir.
