Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyi Cənub bölgəsində 14 fərdi yaşayış evlərinin tikintisini həyata keçirəcək.
Bu barədə Yurd.Media-ya Agentlikdən məlumat verilib.
Belə ki, Lerik rayonunda 12 ədəd 3 otaqlı, Lerik və Astara rayonunda 2 ədəd 2 otaqlı fərdi yaşayış evlərinin tikintisi aparılacaq. Bundan başqa Qobustan rayonu Təklə kəndinin sakini Süleymanova Kifayət Əvəz qızının da evi tikiləcək.
Agentlik həmçinin Gədəbəy şəhərində 24 mənzilli binada və Daşkəsən şəhərində 1 ədəd istinad divarının bərpasını nəzərdə tutulub.
Bu işlərin görülməsi üçün "Təməl Tikinti" Məhdud Məsuliyyətli Cəmiyyəti ilə 830 min manat dəyərində müqavilə imzalanıb.
