Bakı və Abşeronda 6 ayda 12 km yaxın kanalizasiya xətti quraşdırılıb

Bakı və Abşeron yarımadası üzrə 2025-ci ilin 6 ayı ərzində 7,13 km magistral su xətti, 11,42 km şəbəkə su xətti, 5,76 km su ev birləşməsi, 11,91 km kanalizasiya xətti quraşdırılıb. 

Bu barədə Yurd.Media-nın sorğusuna cavab olaraq İri Şəhərlərin Birləşmiş Su Təchizatı Xidmətindən bildirilib. 

Həmçinin qeyd olunub ki, ötən dövr ərzində 3,28 km kanalizasiya ev birləşmələri xətləri, 3,68 km kanalizasiya kollektor xətti, 0,28 km yağış suyu xətləri çəkilib,  4156 ədəd mexaniki su sayğacı quraşdırılıb.