Qobustanda qazıntı aparanlar faciə ilə üzləşiblər.
Yurd.Media xəbər verir ki, paytaxtın Qaradağ rayonu, Qobustan qəsəbəsində torpaq uçqunu baş verib.
Fövqəladə Hallar Nazirliyinin “112” qaynar telefon xəttinə daxil olan məlumat əsasında hadisə yerinə dərhal Xüsusi Riskli Xilasetmə və Dövlət Yanğından Mühafizə xidmətlərinin qüvvələri cəlb olunub.
Hadisə yerində müəyyən edilib ki, qazıntı işləri aparılarkən torpaq qatı çöküb və nəticədə 2 nəfər torpaq altında qalıb.
Xilasedicilərin operativ müdaxiləsi nəticəsində bir nəfər kişi xilas edilib.
Digər şəxsin meyiti torpaq altından çıxarılaraq aidiyyəti üzrə təhvil verilib.
Faktla bağlı araşdırma aparılır.
Qobustanda faciə: Qazıntı aparan torpağın altında qalıb öldü - VİDEO
