Pirşağıda dənizdə batan yeniyetmənin meyiti tapıldı

Bakının Sabunçu rayonunda dənizdə batan yeniyetmənin meyiti tapılaraq sudan çıxarılıb.

Fövqəladə Hallar Nazirliyinin (FHN) Mətbuat xidmətindən Yurd.Media-ya bildirilib ki, hadisə avqustun 6-da Pirşağı qəsəbəsində qeydə alınıb. 2010-cu il təvəllüdlü Asiman Elaqif oğlu Seyidəmirov xilasetmə məntəqəsindən 2 kilometr uzaqlıqda, xüsusi nəzarət olmayan ərazidə dənizdə boğulub.

FHN-in xilasedici dalğıcları axtarışlardan sonra yeniyetmənin meyitini taparaq sudan çıxarıb və aidiyyəti üzrə təhvil veriblər.