Gəncədə qaz xəttində yanğınla nəticələnən qəza olub

Gəncə şəhər ərazisində qaz xəttində başvermiş qəza yanğınla nəticələnib. 

Yurd.Media xəbər verir ki, hadisə yerinə Fövqəladə Hallar Nazirliyinin Gəncə şəhər Yanğından Mühafizə İdarəsinin yanğınsöndürən maşınları və canlı qüvvəsi cəlb olunub. 

Hazırda yanğının söndürülməsi istiqamətində işlər aparılır. 

Qeyd edək ki, hadisə yaxınlığında yanacaqdoldurma məntəqəsi də var.

Qaz borusunda başvermiş qəza səbəbindən şəhərin bəzi hissələrində qazın verilişi dayandırılıb.