Xırdalanda faciənin qarşısını almaq üçün xilasedicilər 12-ci mərtəbəyə alpinist ləvazimatları ilə çıxıblar.
Fövqəladə Hallar Nazirliyindən (FHN) Yurd.Media-ya bildirilib ki, qurumun "112" qaynar telefon xəttinə yaşayış binasında 2022-ci il təvəllüdlü azyaşlının mənzildə bağlı qapı arxasında köməksiz vəziyyətdə qalması ilə bağlı məlumat daxil olub.
FHN-in Xüsusi Riskli Xilasetmə Xidmətinin əməkdaşları dərhal hadisə yerinə yollanıblar.
Xilasedicilər alpinist ləvazimatlarından istifadə edərək 12 mərtəbəli yaşayış binasının 11-ci mərtəbəsinə qalxıblar. Eyvandan mənzilə daxil olan xilasetmə qrupu giriş qapısını açaraq azyaşlını valideynlərinə sağ-salamat təhvil veriblər.
Faciənin qarşısını almaq üçün xilasedicilər 12-ci mərtəbəyə belə qalxdı - VİDEO
