Bakıda ağır QƏZA: Ölən və xəsarət alanlar var

Xəzər rayonunda ağır yol-nəqliyyat hadisəsi baş verib.

Bakı Şəhər Dövlət Yol Polisi İdarəsindən Yurd.Media-ya bildirilib ki, avqustun 6-da saat 17:30 radələrində paytaxtın Xəzər rayonunun Qala qəsəbəsi ərazisində "Ford" və "Range Rover" markalı avtomobillər toqquşub.

Nəticədə "Ford" markalı avtomobilin sərnişini 1994-cü il təvəllüdlü Ləman Elçin qızı Göyüşlü hadisə yerində ölüb, 4 nəfər isə xəsarət alıb.

Araşdırma aparılır.