Məişət texnikası və elektronika satışı ilə məşğul olan “Soliton LTD” Məhdud Məsuliyyətli Cəmiyyəti müştərisinə qarşı Şirvan Şəhər Məhkəməsində iddia qaldırıb.
Yurd.Media-nın əldə etdiyi məlumata görə, MMC nisyə satış müqaviləsinə əsasən, “məişət avadanlığı” üçün ödənilməmiş 410 manat məbləğində borcun və 30 manat dövlət rüsumunun cavabdehdən alınmasını istəyib.
Müştərisi “Soliton”dan 12 aylıq 460 manat dəyərində məişət avadanlığı alıbmış.
Məhkəmə iddianı təmin edib.
Qeyd edək ki, bundan əvvəl “Soliton LTD” müştərilərinə qarşı Bakının Sabunçu və Nizami rayon məhkəmələrində də iddia qaldırmışdı.
