"Mobile Payment Solutions"un vəzifəli şəxsi cərimə ödəyəcək

Azərbaycan Mərkəzi Bankı (AMB) elektron pul təşkilatı - "Mobile Payment Solutions" MMC-nin vəzifəli şəxsini inzibati məsuliyyətə cəlb edib.

Bu barədə Yurd.Media-ya AMB-dən bildirilib.

Məlumata görə, şirkət "Ödəniş xidmətləri və ödəniş sistemləri haqqında" qanunun 9.2-ci və 9.3-cü maddələri ilə müəyyən edilmiş tələblərini pozub.

Odur ki, "Mobile Payment Solutions"un vəzifəli şəxsi İnzibati Xətalar Məcəlləsinin 439-2.1.1-ci maddəsinə müvafiq olaraq 2 min manat cərimə olunub.