Kuryer və çatdırılma xidmətləri sahəsində fəaliyyət göstərən “Courierbaku.az” Məhdud Məsuliyyətli Cəmiyyətində (MMC) rəhbər dəyişikliyi baş verib.
Yurd.Media-nın əldə etdiyi məlumata görə, şirkətin direktoru Orxan Məmmədovun yerinə Valeh Məlikov təyin olunub.
Qeyd edək ki, 2022-ci ildə yaradılan “Courierbaku.az” MMC-nin nizamnamə kapitalı 10 manatdır.
Şirkət ölkədaxili və beynəlxalq ekspress poçt, sənəd və bağlamaların çatdırılması, eləcə də onlayn mağazalar üçün kuryer xidmətləri göstərir.
“Courierbaku.az” 200-dən çox müəssisə ilə tərəfdaşlıq edir, indiyədək 250 mindən çox sifarişin çatdırıldığı və 200-dən artıq kuryerin olduğu bildirilir.