“İlkin-İlk Tikinti” Məhdud Məsuliyyətli Cəmiyyət (MMC) inzibati məsuliyyətə cəlb olunub.
Yurd.Media-nın əldə etdiyi məlumata görə, Dövlət Statistika Komitəsinin Bakı şəhər Statistika İdarəsi tərəfindən şirkətdə yoxlama aparılıb.
Məlum olub ki, şirkət 2026-cı ilin iyun ayı üzrə hesabatını iyul ayının 5-ci iş günü saat 13:00-dək təqdim edilməli olduğu halda bu günədək təqdim edilməyib.
Belə ki, rüblük dövründə istehsal, tikinti, xidmətlərin göstərilməsi, malların təqdim edilməsi və istehsalı haqqında məlumatlar verilməyib.
Bu səbəbdən “İlkin-İlk Tikinti” barəsində İnzibati Xətalar Məcəlləsinin 389-cu maddəsi ilə protokol tərtib edilib.
Nərimanov Rayon Məhkəməsinin qərarı ilə MMC 300 manat məbləğində cərimə edilib.
