Bakıda 17 milyon manat sərmayə ilə 2 ay əvvəl yaradılan şirkət nizamnamə kapitalını geri çəkir.
Yurd.Media xəbər verir ki, "Vega İnvestment" MMC nizamnamə kapitalını 1 000 dəfə azaldaraq 17 milyon manatdan 17 min manata endirdiyini elan edib.
Bu barədə İqtisadiyyat Nazirliyi yanında Dövlət Vergi Xidmətinin "Vergilər" qəzetində bildirilib.
Məlumata görə, kreditorlar 1 ay ərzində öz tələblərini şirkətin hüquqi ünvanı olan Bakı şəhəri, Nərimanov rayonu, Koroğlu Rəhimov küçəsi, ev 1, mənzil 83 ünvanına bildirə bilərlər.
Xatırladaq ki, "Vega İnvestment" bu ilin avqust aynda yaradılıb. Onun qanuni təmsilçisi isə Məmmədəli Yaşar oğlu Hüseynovdur.
