Yeni il üçün Şahdağ otellərində 3 günlük paketlərin qiyməti 1 435–2 200 manatdır.
Yurd.Media-nın Şahdağa ezam olunmuş müxbiri xəbər verir ki, bunu “Şahdağ” Turizm Mərkəzi QSC-nin sədri Rüstəm Nəcəfov jurnalistlərə açıqlamasında bildirib.
Onun sözlərinə görə, qarşıdan gələn Yeni il bayramı ilə əlaqədar olaraq "Şahdağ Turizm Mərkəzi" ərazisində yerləşən hotellərdə rezervasiyalar artıq tam dolub:
R.Nəcəfov qeyd edib ki, ənənəvi olaraq Yeni il bayramı münasibətilə Şahdağ hotelləri turistlərə 3 günlük xüsusi paketlər təqdim edir:
“Bu paketlərin qiymətləri 1 435 manatdan başlayaraq 2 200 manatadək dəyişir. Qiymətlər seçilən hotelə və proqramın məzmununa uyğun olaraq fərqlənir”.
QSC sədri bildirib ki, Şahdağ Turizm Mərkəzində eyni vaxtda 1 500 nəfər turistin gecələməsi mümkündür, gündəlik ziyarətçi tutumu isə 10 min nəfərə yaxındır.
