Göygöl rayonunda ənənəvi keçirilən Milli Yaylaq Festivalına bu il də geniş hazırlıq işləri görülür.
Yurd.Media xəbər verir ki, iyul ayında keçirilən və 3 gün davam edən festivala 100 mindən artıq yerli və xarici turist qatılır.
Göygöl Rayon İcra Hakimiyyətinin başçısı Vüqar Novruzov "ARB Televiziyası"na müsahibəsində Milli Yaylaq Festivalının bölgənin turizm potensialına və kənd turizminin inkişafına verdiyi töhfələrdən bəhs edib. O, festivalın keçirildiyi məkanın əhəmiyyəti və tədbirin təşkilinə dair ətraflı məlumat verib.
