Azərbaycana 5 ayda 1 milyona yaxın turist gəldi

Bu ilin yanvar-may aylarında Azərbaycana 979 963 nəfər turist gəlib.

Yurd.Media xəbər verir ki, bunu jurnalistlərə açıqlamasında Dövlət Turizm Agentliyinin sədrinin müşaviri Kənan Quluzadə bildirib.

Onun sözlərinə görə, bu, ötən ilin eyni dövrünə nisbətən 1,5 % çoxdur.

K.Quluzadə qeyd edib ki, təkcə mayda isə ölkəyə 264 079 nəfər səyahətçi gəlib: "Bu da ötən ilin eyni dövrü ilə müqayisədə 2 % artım deməkdir".