Hazırda Azərbaycan orta ümumtəhsil üzrə özəl tədris müəssisələrində illik təhsil haqqı 3 000 - 55 000 manat aralığındadır. Qiymətlərə tədris, yemək, məktəbli avtobusu və əlavə məşğələlər daxil ola bilər. Ən çox özəl məktəb Bakı və Abşeron ərazisində yerləşir Bölgələrdə də tədricən özəl məktəblər açılır. Bir sıra təhsil ekspertləri özəl məktəblərdə qiymətlərin həddindən artıq şişirdildiyini vurğulayır.
Milli Məclisin deputatı Ceyhun Məmmədov da Yurd.Media-ya bildirib ki, özəl məktəblərdə illik təhsil haqqı həddindən artıq yüksəkdir.
Onun sözlərinə görə, bəzi valideynlərdə ödənişli müəssisələrdə təhsil səviyyəsinin daha yüksək olması fikri formalaşıb, buna görə ödənişli məktəblərə daha çox üstünlük verirlər:
"Lakin mən düşünürəm ki, bütün özəl məktəblərdə təhsil səviyyəsi yüksək deyil".
Deputat qeyd edib ki, burada dövlət tənzimlənməsinə ciddi ehtiyac var, çünki həmin tədris ocaqlarında təhsil haqqının belə yüksək olması əsassızdır. O qeyd edib ki, digər ölkələrin hətta universitetlərində illik təhsil haqqı 30-50 min manatdan aşağıdır:
"Bizdə isə bu məbləğ qarşılığında özəl məktəblər fəaliyyət göstərir. Bu tip təhsil ocaqlarının öz şərtlərini irəli sürmə hüququ olmasına baxmayaraq bu sahədə kvota tətbiq olunmalıdır ki, oxumağa marağı olan uşaqlar bu cür məktəblərdə təhsil ala bilsinlər. Dövlət məktəbləri ilə müqayisə etsəm, deyə bilərəm ki, təhsilin keyfiyyət səviyyəsi arasında ciddi fərqi yoxdur. Burada özəl məktəbin cüzi üstünlüyündən söhbət gedə bilər" - deyə, C.Məmmədov bildirib.
Milli Məclisin deputatı Ceyhun MəmmədovBu il üçün özəl məktəblərin təhsil haqlarını təqdim edirik:
| Məktəb | İbtidai (I–IV) | Orta (V–IX) | Tam (X–XI/XII) |
|---|
| Bakı Atatürk Liseyi | 2500 – 4500 | – | – |
| Simurq Liseyi | 2625 – 5250 | 2890 – 3940 | – |
| Western School | – | 6000 | – |
| Müasir İnnovasiyalar Liseyi | 6000 – 7000 | 6000 | 8000 |
| Landau School | 6300 – 8700 | 7300 – 8700 | – |
| Erudit Liseyi | – | 6500 | – |
| Hədəf Liseyi | 6500 – 9000 | 5000 – 9000 | – |
| Yaşam Beynəlxalq Məktəbi | 6560 – 7250 | 7250 – 8670 | 4600 |
| Bakı Beynəlxalq Təhsil Kompleksi | 8000 – 9000 | – | – |
| Kaspi Liseyi | 8350 – 9000 | 8850 – 9050 | 8950 – 9450 |
| Ada School | 15 000 | – | 8400 – 11550 |
| Bakı İstanbul Liseyi | – | 9000 – 10 000 | – |
| Evrika Liseyi | 9000 – 10 500 | 9600 – 14 500 | – |
| Beynəlxalq Maarif Məktəbləri | 9201 – 10 862 | 10 357 – 12 307 | – |
| İdrak Liseyi | 10 000 – 15 000 | 10 500 – 16 500 | – |
| Dünya Məktəbi | – | – | 15 000 – 17 500 |
| Avropa Azərbaycan Məktəbi | 11 250 | 13 250 | 16 150 |
| XXI Əsr Beynəlxalq Təhsil Mərkəzi | – | 12 000 – 14 500 | – |
| Britaniya Məktəbi | 12 000 | – | – |
| Bakı Modern Təhsil Kompleksi | – | – | 12 000 – 25 000 |
| Sabis Sun School | – | – | 14 400 – 15 900 |
| Sabah School | – | – | 15 000 |
| Oxbridge Academy Baku | 15 640 | 15 640 – 18 020 | 20 740 – 24 820 |
| Bakı Oxford Məktəbi | 17 000 – 17 500 | 17 500 – 18 000 | 18 000 – 20 500 |
| Müasir Təhsil Kompleksi | 18 300 | 14 800 – 18 000 | – |
| Azərbaycan Britaniya Kolleci | 20 000 | 12 000 – 14 500 | – |
| Azərbaycan Beynəlxalq Məktəbi | – | 54 900 | – |
