Müntəzəm olaraq yağlı qidalarla qidalanmaq beyinin həcminin azalmasına gətirib çıxarır.
Yurd.Media xarici KİV-ə istinadən xəbər verir ki, siçanlar üzərində həyata keçirilən elmi tədqiqat nəticəsində yağlı qidaların beyin funksiyalarında ciddi dəyişikliklərə yol açdığı aşkar edilib.
Mütəxəssislər bu nəticəyə siçanlar üzərində reallaşdırdıqları eksperimentlər sayəsində gəliblər. Tədqiqatlara əsasən, yağlı yeməklərlə qidalandırılan siçanların genetik quruluşunda dəyişikliklər baş verib, bəzi fərdlərdə isə yaddaş itkisi müşahidə olunub. Həmçinin bu cür qidalanma rejimindən sonra heyvanların bədən çəkisinin artması da qeydə alınıb. Aparılan eksperimentlər sübut edib ki, yağlı qidalar depressiya və alzheimer xəstəliyinin əlamətlərinin yaranmasına zəmin yaradır.
