İmmun sisteminin hüceyrələrinin təxminən 80%-i mikrobiotanın birbaşa təsiri nəticəsində bağırsaqda formalaşır. Məhz bu səbəbdən sağlam həzm sistemi orqanizmin virus və bakterial infeksiyalara qarşı ümumi müqavimətində mühüm rol oynayır.
Yurd.Media xəbər verir ki, bu barədə rusiyalı qastroenteroloq Yekaterina Kaşux məlumat verib.
Mütəxəssisin bildirdiyinə görə, soyuqdəymə və qrip dövründə bağırsaq sağlamlığının qorunması xüsusi önəm daşıyır. Bu baxımdan trans yağları, süni qatqıları və konservantları ehtiva edən qida məhsullarının qəbulunu minimuma endirmək tövsiyə olunur.
Belə qidalar həzm prosesini çətinləşdirir, selikli qişalarda qıcıqlanmaya səbəb olur və qida maddələrinin mənimsənilməsini pozur. Bu vəziyyət xəstəlik dövründə orqanizm üçün xüsusilə zərərli hesab edilir.
