Bakının Ramana qəsəbəsində yaşayan sakinlər "Azərsu" ASC-nin xəbərdarlıq etmədən suyu kəsməsinin ciddi çətinlik yaratdığını bildirirlər.
Yurd.Media-ya müraciət edən şəslər bildiriblər ki, gecə saatlarından etibarən əraziyə verilən su kəsilib, problemin səbəbi və müddəti ilə bağlı isə rəsmi məlumat verilməyib:
"Zəng edirik, deyirlər təmir-bərpa işləri gedir, günün sonuna bərpa olunacaq. Deyirəm xanım, axı gecə saatlarından su yoxdur, bu barədə heç bir məlumat da verilməyib. Camaat susuz qalıb", – şikayətçi deyir.
Şikayətçilər həmçinin zəng edəndə "Azərsu" operatorlarının kobud cavab verməsini də qeyd edirlər:
"Sanki suyu kəsilən biz yox, onlardır".
Sakinlər hesab edir ki, bu cür halların qarşısını almaq üçün məlumatlandırma sisteminin təkmilləşdirilməsi və vətəndaşlarla ünsiyyətin daha etik formada qurulması vacibdir.
