Azərbaycanda qida məhsullarının topdan və pərakəndə satışı ilə məşğul olan “PAK-QİDA” Məhdud Məsuliyyətli Cəmiyyət "MMC) valyuta qaydalarını pozmaqda ittiham edilib.
Yurd.Media-nın əldə etdiyi məlumata görə, “PAK-QİDA” MMC 3 860 000 Rusiya rublu (81 min manat) məbləğində vəsaiti bank vasitəsi ilə 2024-cü il tarixdə avans olaraq ölkə xaricinə köçürüb.
Azərbaycan Respublikasının rezidentlərinin xarici valyutada, habelə və qeyri-rezidentlərinin milli və xarici valyutada əməliyyatlarının aparılması Qaydaları”nın 4.3.1.3-cü yarımbəndinin tələblərinə baxmayaraq ödənişin aparıldığı gündən 2 il müddətində həmin vəsait hesabına alınan mallar ölkəyə idxal edilməyib, valyuta vəsaitini geri qaytarılmayıb.
Mərkəzi Bank tərəfindən MMC barəsində İnzibati Xətalar Məcəlləsinin 430.4-cü maddəsi ilə protokol tərtib edilib və iş baxılması üçün Abşeron Rayon Məhkəməsinə göndərilib.
Məhkəmənin qərarı ilə “PAK-QİDA” MMC inzibati xətanı törətməsinə dair iş üzrə icraata inzibati xəta tərkibi olmadığından xitam verilib.
