Azərbaycan Dövlət Neft Şirkətinə (SOCAR) məxsus “Ekol Mühəndislik Xidmətləri” QSC-də yeni təyinat baş tutub.
Yurd.Media-nın əldə etdiyi məlumata görə, Orxan Abbasov “Ekol Mühəndislik Xidmətləri” QSC-də Satınalmalar və Təchizat Zəncirinin İdarə Edilməsi (PSCM) üzrə rəhbər müavini vəzifəsinə təyin olunub.
QSC-nin Baş direktoru Ayxan Əliyev bununla bağlı əmr imzalayıb.
Orxan Abbasov bundan əvvəl Təhsil Tələbə Krediti Fondunda maliyyə rəhbəri vəzifəsində çalışıb. O, 2024-cü ilin sentyabrından 2026-cı ilin aprelinədək bu vəzifəni icra edib.
O. Abbasov 2022-ci ilin dekabrından 2024-cü ilədək həmin fondda baş mühasib, 2021-ci ilin noyabrından 2022-ci ilin dekabrınadək isə böyük mühasib vəzifələrində işləyib.
Orxan Abbasov müxtəlif illərdə “GroupOne | Paul Restaurants”, Bakı Nəqliyyat Agentliyi, “SADE”, “LV Logistics – Caspian”, “Berlin-Chemie AG” və “Bakcell” şirkətlərində də çalışıb. O, həmçinin “MOORE STEPHENS AZERBAIJAN LIMITED / Forum LLC” və “Tyco” şirkətlərində mühasib vəzifəsində fəaliyyət göstərib.
Orxan Abbasov
