Ermənistanın vətəndaş cəmiyyəti nümayəndələrindən Bakıdakı görüşlərdə iştirak edənlərin kimliyi məlum olub.
Yurd.Media Ermənistan KİV-nə istinadən xəbər verir ki, bu gün səhər Bakıya gələn Ermənistan nümayəndə heyətinin tərkibinə İrəvan Mətbuat Klubunun fəxri prezidenti Boris Navasardyan, politoloqlar Areq Koçinyan, Narek Minasyan, Samvel Meliksetyan və hüquq müdafiəçisi Naira Sultanyan daxildir.
Qeyd edək ki, bu səfər 21-22 oktyabr 2025-ci il tarixlərində Azərbaycan nümayəndə heyətinin Ermənistan paytaxtına səfərinə cavab olaraq həyata keçirilir.
Azərbaycan və Ermənistanın vətəndaş cəmiyyəti nümayəndələri 8 avqustda Vaşinqtonda qəbul edilmiş Birgə Bəyanatdan sonra müəyyənləşdirilmiş sülh gündəliyi çərçivəsində dialoqu davam etdirirlər.
