Azərbaycanın Əməkdar incəsənət xadimi vəfat edib.
Yurd.Media "manset.az"a istinadən xəbər verir ki, tanınmış kinooperator Əməkdar incəsənət xadimi Amin Novruzov bu gün dünyasını dəyişib. O, xəstəlik səbəbindən vəfat edib.
Qeyd edək ki, Amin Novruzov Azərbaycanın bir sıra məşhur filmlərində — “Bəxt üzüyü”, “Cin mikrorayonda”, “Yalan”, “Özgə vaxt”da quruluşçu operator, “Əhməd Haradadır?”, “Qatır Məmməd”, “Şərikli Çörək”, “Qayınana” və “Bir Axşam”da isə operator və operator assistenti kimi fəaliyyət göstərib.
