Qiymətli kağızlar bazarında azalma 32%-i keçib

Azərbaycan Mərkəzi Bankı bu ilin I yarısının yekunları ilə bağlı qiymətli kağızlar icmalını açıqlayıb.

Yurd.Media xəbər verir ki, sənədə əsasən, yanvar-iyun aylarında kapital bazarında 25 milyard manatlıq əqd bağlanılıb.

Bu, ötən ilin eyni dövrü ilə müqayisədə 32,1% azdır. I rübün yekununda azalma 27,4% təşkil edib.

Əvəzində 6 ay ərzində bağlanmış əqdlərin sayı 1 il əvvələ nisbətən 2,3 dəfə çox – 36,2 min olub.