"Pro Kredit" ASC bank olmayan kredit təşkilatı (BOKT) 2025-ci ilin yekunları ilə bağlı maliyyə göstəricilərini açıqlayıb.
Yurd.Media xəbər verir ki, kredit təşkilatı ötən il 0,1 milyon manat xalis mənfəət əldə edib. Bu, əvvəlki illə müqayisədə 15,4% azdır.
Bu ilin əvvəlinə "Pro Kredit"in aktivləri ötən ilin əvvəlinə nisbətən 5,1% çox - 3,2 milyon manat, o cümlədən kredit portfeli 0,6% çox – 2,6 milyon manat təşkil edib.
BOKT-un öhdəlikləri 1,9 milyon manat (3,2% çox), balans kapitalı isə 1,3 milyon manat (8% çox), o cümlədən nizamnamə kapitalı 1,1 milyon manat (dəyişməyib) olub.
Qeyd edək ki, "Pro Kredit" BOKT 2011-ci ildə yaradılıb. Onun nizamnamə kapitalı 1,1 milyon manatdır. BOKT-un təsisçiləri 77,3 % payla Məhəbbət Məmmədov və 22,7 %-lə Rəna Məmmədovadır, direktor isə təsisçinin oğlu Ramil Məmmədovdur.
