"PAŞA Bank"ın səhmdarları mükafat ödənişini müzakirə edəcək

"PAŞA Bank" ASC aprelin 30-da, saat 17:00-da səhmdarlarının növbəti ümumi yığıncağını keçirəcək.

Yurd.Media xəbər verir ki, Bank bununla bağlı Azərbaycan Mərkəzi Bankının Məlumatların Elektron Açıqlanması Sistemində elan verib.

Elanda deyilir ki, yığıncaq müvafiq telekommunikasiya vasitəsi ilə məsafədən olacaq.

Səhmdarlar “PAŞA Bank”ın ötən ilin yekunlarına dair maliyyə və idarəetmə hesabatlarını təsdiqləyəcək, mükafat ödənişi və digər məsələləri müzakirə edəcək.