Azərbaycanda 20-30 mart tarixlərinə təsadüf edən qeyri-iş günlərində ölkədəki 22 bankdan 4-ü fəaliyyət göstərməyəcək.
Bu barədə Yurd.Media-ya Azərbaycan Mərkəzi Bankından bildirilib.
Məlumata görə, həmin banklar “Bank BTB”, “Bank VTB Azərbaycan” və “Zıraat Bank Azərbaycan” ASC-lər, İran Milli Bankının Bakı filialıdır.
Qalan 18 bankın 280 satış nöqtəsi (o cümlədən, 4 bank üzrə 9 satış nöqtəsi 24 saat rejimində olmaqla), “Azərpoçt” MMC-nin 68 şöbəsi, valyuta mübadiləsinə lisenziya almış 9 valyuta mübadiləsi məntəqəsi müştərilərə xidmət göstərəcək.
Məqsəd bayram günlərində ölkəmizdə səfərdə olan turistlərin və ölkə vətəndaşlarının valyuta mübadiləsi xidmətlərinə davamlı çıxış imkanlarının təmin edilməsidir.
