DSMF-nin büdcədən asılılığı 17%-ə endiriləcək

2027-ci ildə Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun (DSMF) dövlət büdcəsindən asılılığı 17,2% təşkil edəcək. 

Bu barədə Yurd.Media-ya Maliyyə Nazirliyindən bildirilib. 

Məlumata görə, gələn il Fondun xərcləri 9,3 milyard manat təşkil edəcək ki, bunun da 1,6 milyard manatı büdcədən ayrılacaq. Bu il Fondun xərcləri 8,5 milyard manatdır ki, bunun da 20%-nin və yaxud 1,7 milyard manatının büdcədən ayrılması nəzərdə tutulur.