Büdcədən ipoteka kreditləşməsinə ayırmalar 5%-ə yaxın artırılır

2027-ci ildə Azərbaycanda ipoteka kreditləşməsinə dövlət büdcəsindən 89 milyon manat vəsait ayrılması nəzərdə tutulur.

Yurd.Media xəbər verir ki, bu barədə “2027-ci il dövlət büdcəsi haqqında” qanun layihəsində bildirilir.

Sənədə əsasən, bu, 2026-cı illə müqayisədə 4,7% çoxdur.

Büdcədən ayrılacaq vəsait güzəşli kreditləşmə üçün nəzərdə tutulur və onun hesabına İpoteka və Kredit Zəmanət Fondunun nizamnamə kapitalı artırılacaq.