“Bank VTB Azərbaycan” ASC dövriyyədə olan 1 579 075 000 ədəd adi səhminin nominal dəyərini 0,2 manatdan 0,06 manata endirməyə hazırlaşır.
Bu barədə Yurd.Media-ya Bankdakı mənbə bildirib.
Beləliklə, kredit təşkilatının nizamnamə kapitalı 3,3 dəfə azalaraq 315 815 000 manatdan 94 744 500 manata düşəcək.
Xatırladaq ki, kapital azaldılmasına "Bank VTB Azərbaycan" ASC-nin səhmdarlarının iyulun 3-də keçirilmiş növbəti ümumi yığıncağında qərar verilib. Qərar Bankın kapital strukturunun cari maliyyə göstəricilərinə uyğunlaşdırılması və səhmdarlara dividend ödənilməsi üçün qanunvericiliyinin müvafiq tələblərinə əsaslanır.
