“Bank Respublika” ASC 2025-ci ilin yanvar-sentyabr aylarının yekunları ilə bağlı maliyyə göstəricilərini açıqlayıb.
Yurd.Media xəbər verir ki, Bank 9 ayda 43,2 milyon manat xalis mənfəət əldə edib. Bu, ötən ilin eyni dövrü ilə müqayisədə 9,9% çoxdur.
Bu il oktyabrın əvvəlinə “Bank Respublika”nın aktivləri ötən il oktyabrın əvvəlinə nisbətən 26,3% çox – 2 717,9 milyon manat, o cümlədən kredit portfeli 16,4% çox – 1 566,2 milyon manat təşkil edib.
Bankın öhdəlikləri 2 487 milyon manat (26,5% çox), o cümlədən depozit portfeli 1 515,35 milyon manat (12,9% çox), balans kapitalı isə 230,9 milyon manat (24,1% çox), o cümlədən nizamnamə kapitalı 74 milyon manat (dəyişməyib) olub.
