"Bank Avrasiya" ASC 2025-ci ilin yekunları ilə bağlı maliyyə göstəricilərini açıqlayıb.
Yurd.Media xəbər verir ki, Bank ötən il 5,1 milyon manat mənfəət əldə edib. Bu, ötən ilin eyni dövrü ilə müqayisədə 29,3% çoxdur.
Bu ilin əvvəlinə "Bank Avrasiya"nın aktivləri ötən ilin əvvəlinə nisbətən 6,7% çox – 214,5 milyon manat, o cümlədən kredit portfeli 0,3% çox - 123,4 milyon manat təşkil edib.
Bankın öhdəlikləri 124,5 milyon manat (7% çox), o cümlədən depozit portfeli 71,5 milyon manat (13,4% çox), balans kapitalı isə 90 milyon manat (6,3% çox), o cümlədən nizamnamə kapitalı 71,8 milyon manat (dəyişməyib) olub.
