“Bakcell” 20 milyon dollarlıq istiqraz buraxır

“Bakcell” MMC 20 milyon ABŞ dolları dəyərində istiqraz yerləşdirməyi planlaşdırır.

Bu barədə Yurd.Media-ya şirkətdəki mənbə bildirib.

Məlumata görə, söhbət hər birinin nominal dəyəri 1 000 dollar olan 20 min ədəd istiqrazdan gedir.

Qiymətli kağızlar qapalı üsulla yerləşdiriləcək. İstiqrazların illik faiz dərəcəsi, faizlərin ödənilmə tezliyi və emissiyanın anderrayteri hələ açıqlanmır.

Qeyd edək ki, digər aparıcı mobil operator "Azercell" də analoji qaydada istiqraz yerləşdirməyi planlaşdırır.