Zəngilan rayonunun Ağalı, Məmmədbəyli və Cəbrayıl rayonunun Horovlu kəndlərinə yeni köçən sakinlərə həyətyanı ərazilərdə əkilməsi üçün meyvə tingləri paylanılıb.
Cəbrayıl, Qubadlı və Zəngilan rayonlarında Prezidentin Xüsusi Nümayəndəliyindən Yurd.Media-ya bildirilib ki, aksiya çərçivəsində 8 fərqli ağac növünə aid 5000 ədəd calaq olunmuş ting təqdim olunub.
Təqdim olunan tinglər yeni məskunlaşan ailələrin həyətyanı sahələrində əkilərək kənd təsərrüfatının inkişafına və ailə təsərrüfatlarının gücləndirilməsinə töhfə verəcək.
